VIGAN CITY – Nakemmeg ti maysa a lalaki kalpasan a naiyuswat nga Anti-illegal drugs operation diay Brgy Oaig Daya, Candon City.
Nabigbig ti suspek a ni Rodrigo Alfonso Pascua, agtawen ti tallopulo, baro, maysa a construction worker a taga-Brgy Tamurong 1st Candon City.
Babaen iti panagtitinulong ti Candon City Police Station nga isu ti nagbalin lead unit kaduada da ti ISPDEU, ISPIU, 103RD Mobile Company RMFBI ken HPG ISUR ket nakemmeg ti suspek.
Naala kenkuana ti dua a babassit a transparent a mapapati a shabu nga aggatad ti 0.6 gramo a nagserbi a buybust item, bundle money nga innem a ribo a pisos ken maysa a cellphone.
Naidalan ti suspek iti medico legal examination iti Candon Hospital ken naipan iti Candon City PNP tapno dumalan ti husto a proseso.
