VIGAN CITY – Sumango iti kaso a panaglabsing iti Republic Act 10591 wenno Illegal Possession of Firearm ken Alarms and Scandal ti lalaki a nagpaputok iti paltog idiay Barangay Pantoc, Narvacan, Ilocos Sur.
Ti suspek ket ni Rojel Ynez Adona, agtawen iti tallopulo ket uppat, agnaed iti nasao a lugar.
Alas onse singkwenta y otso iti rabii ti May 19 idi makaawat ti Narvacan Police Station iti tawag manipud iti concern citizen a mangipakpakaammo a ti suspek ket nagpaputok iti paltog iti nasao a barangay kangrunaan iti sango ti pagtaenganna.
Tinurong dagiti kameng ti Narvacan MPS ti lugar kangrunaan iti pagtaengan ti suspek ket bayat ti hot pursuit operation babaen iti tulong ti witness, ti armas a nausar a homemade shotgun nga awan serial numberna ket nakumpiskar idinto a nakemmeg met ti suspek.
