--Ads--
Maysa a lalaki ti nakemmeg idiay Barangay Sulvec, Narvacan, Ilocos Sur gapu iti panagikotna iti paltog.
Ti suspek ket agtawen iti tallopulo, construction worker, taga-Barangay Paratong, Narvacan.
Nakaawat ti Narvacan Municipal Police Station iti tawag mainaig iti maysa a lalaki a napalalo ti bartekna a magmagna iti Wow Sulvec Beach, a nakaiggem iti paltog ken ipatpaturongna iti ngato.
Dagus a nagresponde ti duty desk officer iti dayta a gundaway ta manarimaan ti panagpatrolda.
-- ADVERTISEMENT --
Naiwayat ti hot pursuit operation, ket nakita ti suspek a magmagna iti kalsada a nakaiggem iti paltog isu a kinemmegda.
Nakumpiskar ti maysa a caliber 22 revolver nga adda uppat a balana.
