--Ads--
VIGAN CITY- Naipaagas idiay Candon City General Hospital ni Wilson Belarde nga agtawen iti uppat a pulo ket innem, naasawaan, mannalon ken agnaed idiay Balingaoan, Candon City gapu ti pannaka-aksidente na idi kalman, March 19, alas singko ti malem.
Maibasar iti imbestigasyon, agpapabagatan ni Belarde a nagmaneho ti motorsiklo ket sarsarunwen na ti Chevrolet SUV Trailblazer a minaneho ni Generoso Manzano Rodriguez nga agtawen iti innem a pulo ket tallo, naasawaan a taga- San Agustin, Candon City ken empleyado ti local a gobyerno idi bigla a tinukbob na iti likudan a paset ti SUV.
Gapu ti dayta, nagsagaba iti dunor iti naduma-duma a paset ti bagi ti nagmaneho ti motorsiklo ket naitaray nga insigida iti ospital.
