Naisalakan ti maysa a lalaki kalpasan a mayanud kabayatan ti panagdigosna iti maysa a waig idiay Barangay Cabaroan, San Esteban, Ilocos Sur.
Ti biktima ket agtawen iti duapulo ket tallo, agnaed iti nasao a barangay.
Iti pannaki-uman ti Bombo Radyo Vigan ken ni PCPT. Ivan Cliff Ananayo, agdigdigos ti biktima ken dagiti kaduana iti waig idin bigla a timmapog daytoy iti danum ket saanna a natantya a ti danum ket gapu iti tudo isu a napegges ti panagayosna.
Nupay kasta, nakakapet ti biktima iti maysa a sanga ti kayo agingga a maisalakan daytoy dagiti kaduana.
Nagsagrap iti minor injuries ti biktima ngem nagkedkeden nga agpaagas ken adda itan iti natalged a kasasaad.
VA – PCPT. IVAN CLIFF ANANAYO 1
Innayon pay ni Ananayo a ti biktima ken dagiti kaduana ket mapapati nga agpadpadaanda iti manok wenno ania man a dingwen a mayanud kas maibasar iti pannakipatpatangda kadagiti nakakita kadakuada.
