VIGAN CITY – Maysa nga agtawen iti tallopulo ket dua a lalaki nga agnaed idiay Paing, Bantay, Ilocos Sur ti nagbekkel babaen ti panagaramatna ti extension wire.
Nakaawat ti Bantay Municipal Police Station ti pakaammo inaig ti napasamak a panagbekkel iti lugar isu a nagrespondeda ket idi nakadanonda, naikkaten ti biktima manipod pannakabitinna ta inikkat ti kabsatna a lalaki ket impanna iti Metro Vigan Hospital, Zone 4, Bantay ngem naideklarar a dead on arrival babaen ti attending physician-na.
Segun pay ti kabsatna a babai, mapanna koma isarra ti silaw ti kuarto ti kabsatna idi rabii idin nakitanan a nagbekkel ti kabsatna babaen ti wire.
Naammoan nga adda saan a nairemit a koleksyon ti biktima nga aggatad ti P141,000.
Kabayatanna, awan ti senyales ti foul play iti nasao nga insidente.
