--Ads--
Nadunor ti maysa a lalaki kalpasan nga aksidente a pimmutok ti maysa a homemade caliber 45 a paltog kabayatan nga adda iti kabaybayan ti Sitio Punta, Barangay Cabittaogan, Sta. Catalina, Ilocos Sur.
Napan ti biktima ken dagiti kaduana iti lugar tapno agtiliw ti kappi.
Kabayatan ti pannagnada, nakangngeg iti putok ti kadua ti biktima, ket idi kitaenna, naduktalanna nga adda tama tib ala iti kannigid a paset ti tianna.
Dagus a nagpaarayat ti kaduana ket naitaray iti ospital ti biktima para iti naan-anay a pannakatamingna.
-- ADVERTISEMENT --
Kabayatanna, insuko met ti ikit ti biktima ti homemade caliber 45 single-shot pistol iti Sta. Catalina Police Station.
Adda metten iti natalged a kasasaad ti biktima, segun iti kapulisan.
