Nadunor ti nagmaneho iti motorsiklo ta nakadinnungparna ti maysa nga SUV iti national highway idiay Barangay Sabuanan, Sta. Lucia.
Ti nagmaneho iti Silver Mitsubishi Montero ket lalaki nga agtawen iti limapulo ket tallo, naasawaan nga agnaed idiay Electrical Road, Pasay City.
Ti met Black Honda TMX motorcycle ket minaneho ti lalaki nga agtawen iti sangapulo ket siam, nga agnaed idiay Barangay Pila East, Sta. Lucia.
Agpapaabagatan a direksyon ti motorsiklo idinto a ti SUV nga aggapu iti southbound shoulder lane ket simrek iti national highway a gappuanan iti panagdinnungpar dagiti dua a lugan.
Gapu dayta ket nadunor iti driver iti motorsiklo iti agduduma a paset iti bagina ken naipan iti Ilocos Sur Medical Center, Candon City para iti naan-anay a pannakatamingna idinto a saan a naan-ano ti driver iti SUV ngem naipan latta iti Sta. Lucia District Hospital para iti medical examination.
