Maysa ti nadangran iti napasamak a mauling incident idiay Barangay Pallogan, Tagudin, Ilocos Sur.
Nabigbig ti biktima a ni Ronald Betuin Laza, agtawen iti tallopulo ket tallo, delivery rider, taga-Barangay Lacong, Tagudin.
Dagiti suspek ket da Ronald Andaya alyas karyas, ken ni Jun Lorzano nga agpada a taga-Barangay Pallogan.
Nagreport ti biktima iti Tagudin Municipal Police Station a dinanog isuna ti suspek a ni Andaya.
Segun iti biktima, napan isuna idiay Barangay Pallogan tapno sundwen ti live-in partner-na ket idi nakadanon, binagaanna ti agbambantay iti siumanna a ni Alejandro Cruz a saanna nga iryagan daytoy no mabaon a gumatang iti arak.
Simmungbat ni Cruz, ngem saan a nangngeg daytoy ti biktima.
Gapu dayta, bimmaba ni Andaya ket dinanogna ti rupa ti biktima iti namin-dua a daras bayat a nakalugan iti motorsiklo.
Pinataray ti biktima ti motorsiklona tapno maliklikan dagiti suspek ngem induron ni Andaya ti motorsiklo ti biktima, isu a saanna a nakontrol ti manibela ti luganna ket naitinnag iti kapagayan a 1.52 meters ti kangatona.
Innayon ti biktima a nakitana ni Lorzano a mangpang-or kenkuana iti mapapati nga steel pipe/crowbar ngem naanawa dagiti bystanders.
