VIGAN CITY – Maysa a lalaki ti nabagkong diay Brgy Villa Garcia, ili ti Sta Cruz.
Nabigbig ti biktima a ni Louie Fuentes Alves, balo, agtawen ti uppat a pulo ket innem, negosyante a taga Brgy Poblacion Este Sta. Cruz idinto a ti suspek ket ni Erwin Serrasa German, agtawen duapulo ket innem, naasawaan a taga-Brgy Villa Garcia ti nasao met laeng nga ili.
Maibasar iti imbestigasyo dagiti pannakabagi ti linteg, adda iti Brgy Hall dagiti dua tapno urnusen ti parikot iti nagbaetanda maipanggep iti utang ti biktima nga aggatad ti lima ribo a pisos ngem sakbay a nakasangpet dagiti opisyal ti barangay ket innalan ti suspek ti kutsilyo iti uneg ti shoulder bag-na ket binagkongna iti biktima.
Insigida a naipan iti ospital ti biktima idinto a nakkemmeg nga insigida ni German ket naala iti crime scene ti kutsilyo nga adda kaatiddog na a 12.5 inches.
