VIGAN CITY – Panaglabsing iti RA 10591 wenno Illegal Possession of Forearm iti sangwen a kaso ti maysa a lalaki idiay Brgy. Daclapan, Cabugao, Ilocos Sur.
Segun ti Cabugao PNP, ti natiliwan a nagikot ti paltog ket ni Danlord Salazar Sardeng, agtawen iti tallopulo ket lima, naasawaan, security guard a taga-Brgy. Turod, Cabugao.
Bayat iti panangisayangkat ti Oplan Sita dagiti otoridad iti nasao a barangay ket nasaedanda ti suspek bayat ti panagmanehona iti kurong-kurong a naka-sling bag ket idi sinaludsod dagiti otoridad ti lisensya ti suspek ket dita a nakitada ti caliber 45 nga adda linaonna nga innem a bala.
Ti nasao a paltog ket nakumpiskar ta awan ti maipakita ti suspek a naan-anay a dokumento isu nga iti agdama addan iti kustodiya iti Cabugao PNP para iti proper documentation and disposition.
