Lalaki, naalaan iti nasurok P13,000 a gatad iti mapapati a shabu idiay Bantay

Naala manipod iti maysa a lalaki iti nasurok P13,000 a gatad iti mapapati a shabu idiay Bantay, Ilocos Sur.

Iti insayangkat nga anti-illegal drug buy-bust operation dagiti otoridad idiay Barangay Lingsat, Bantay ket nakemmeg ti maysa a lalaki a suspek.

Naala kenkuana ti maysa a heat-sealed transparent plastic sachet a naglaon iti white crystalline substance iti mapapati a shabu a nagserbi a buy-bust item; maysa a marked P1,000 bill; ken lima a nayon nga small heat-sealed transparent plastic sachets a naglaon iti white crystalline substance iti mapapati a shabu.

Ti nasao a mapapati a shabu a naala ket mapatta-patta nga agdagsen iti dua a gramo nga aggatad iti P13,600.