--Ads--
Naalaan iti 1.3 a gramo iti mapapati a shabu ti maysa a lalaki iti naisayangkat a buy-bust operation idiay Sinait, Ilocos Sur idi kalman, August 3, 2026.
Ti suspek ket agtawen iti tallopulo ket lima, naasawaan, tubo idiay Badoc, Ilocos Norte ken caretaker iti maysa a agtaengan idiay Barangay Ballaigui, Sinait.
Iti naisayangkat a buy-bust operation ket nakemmeg ti suspek ken naala kenkuana dagiti ebidensia a drug evidence a 1.3 a gramo iti maatap a shabu nga aggatad iti P8,840 a naipan iti dua a heat-sealed plastic sachets.
Naala pay ti non-drug evidence a maysa a piraso iti genuine P1,000 bill a nagserbi a buy-bust money, maysa a lighter ken maysa a Red Honda Click 125 motorcycle.
-- ADVERTISEMENT --
