--Ads--
VIGAN CITY – Maysa a lalaki iti mapukpukaw idiay Barangay Sabang, Cabugao.
Maibasar iti pakaammo manipod iti Cabugao Municipal Police Station, nabigbig ti mapukpukaw a ni Reynaldo Rubianes Tindoc, agtawen iti uppat a pulo ket dua, naasawaan nga agnaed iti nasao a lugar.
Segun ti inana a ni Wilhelmina Tindoc, agtawen iti innem a pulo ket walo, mapapati nga adda iti parikot iti panagpampanunot ti anakna.
Kinunana a pimmanaw ti anakna iti pagtaenganda iti alas syete iti bigat idi April 8 a nakaaramat iti puraw a t-shirt ken nalabbaga a short pants ket addaan iti tattoo iti takyagna a nakaisurat iti “NALDO” ken nagaramat pay iti bisikleta a nangisit iti kulayna.
-- ADVERTISEMENT --
Manipod iti nasao nga aldaw ket saanen a nagawid pay ni Naldo iti pagtaenganda.
