--Ads--
Maspsapul ti maysa a lalaki a mapapati a nalmes iti Amburayan River idiay Barangay Ambalayat, Tagudin, Ilocos Sur.
Nabigbig ti biktima a ni Meliton Mabitasan Ordoño, agtawen iti limapulo ket maysa, agnaed iti nasao a barangay.
Segun iti kadua biktima, alas syete iti bigat idi kalman, napanda idiay Sitio Pantar ken limmasatda iti nasao a karayan tapno mapan kitaen ti tarakenda a kalding.
Naldaw ti kadua ti biktima a ngumatngato ti lebel ti danum isu nga inawisnan nga agawid ket limmasatda manen iti nasao a karayan.
-- ADVERTISEMENT --
Idi magtengendan ti riverbank, ti laengen ulo ti biktima ti makitkita ta nayanud daytoy gapu iti napigsa a koriente ti danum.
Nagpatulong kadagiti barangay official ni Lobendino tapno masapulan ti biktima.
