Maysa a lalaki a taga-Paing, Bantay, Ilocos Sur iti naipakaammo a mapukpukaw.
Ti nasao a lalaki ket nabigbig a ni Michael Bucao Caoile, agtawen iti tallopulo ket lima, naasawaan nga agnaed iti nasao a lugar.
Nagturong ni Manuel Oribello Caoile nga ama ti mapukpukaw iti Bantay Municipal Police Station ket impakaammona a mapukpukaw ti putotna.
Segun kenkuana, alas onse idi July 12, 2026 idi impakaammo ti putona nga agturong idiay Bucay, Abra tapno bisitaen ti putotna ngem agingga ita ket saan pay a nagawid iti pagtaenganda.
Idi pimmanaw ti lalaki iti pagtaengand aket nakasuot iti black sando shirt, gray maong pants ken puraw a rubber shoes.
Impadas met ti ama ti mapukpukaw a tinawagan ti dati nga asawa ti putotna ngem kinunana a saan a nagturong isuna didiay isu a pinadasda a sinapul ngem saanda a nakita.
Ti nasao a missing person ket agdagsen iti 72 kgs, agtayag iti 5’7, medium built, brown skin ken black short hair.
Panawagan ti kapulisan nga ipakaammo kadakuada no adda impormasyon maipanggep ti mapukpukaw wenno ipakaamoda a direkta iti kameng ti pamiliana.
