VIGAN CITY – Maysa a lalaki iti kinabil ti kina-inomanna idiay Barangay Ambalayat, Tagudin.
Ti biktima ket nabigbig a ni Noel Sanchez Nobleza, agtawen ti uppat a pulo ket walo, mannalon idinto a ti suspek ket ni Jayson Aquino Andaya, agtawen ti tallopulo, baro, mannalon nga agpada nga agnaed iti nasao a lugar.
Maibasar iti inisyal nga imbestigasyon ti Tagudin Municipal Police Station, nagreport ni Nobleza kadakuada a kinabil isuna ni Andaya bayat iti panaginomda ket adda iti saanda a nagkinnaawatan isu a nagawid ti biktima tapno lumiklik ngem sinurot ti suspek a gappuanan iti panangmalona ti ulo ti biktima isu a naawanan iti puot.
Naipan ti biktima iti pagtaengan ni Dr. Eugene Dauz a Physician-general Surgeon iti Brgy. Del Pilar, Tagudin para iti pannakatamingna idinto a naglibas ti suspek kalpasan iti insidente.
