Lalaki iti ili ti Tagudin, nakemmeg gapu iti kasona a direct assault

VIGAN CITY – Nakemmeg ti maysa a lalaki gapu iti kasona a direct assault idiay Brgy. Del Pilar, Tagudin.

Segun ti Tagudin Municipal Police Station, ti akusado ket ni Armando Bayang Lodia, agtawen iti tallopulo ket maysa, construction worker nga agnaed idiay Brgy. San Miguel, Tagudin.

Ti panagtitinnulong dagiti pannakabagi ti linteg ket nakemmeg ti akusado babaen iti warrant of arrest nga inruar ti Judge iti 12^th MTCT, Tagudin-Suyo, First Judicial Region, Tagudin a napetsaan idi April 12.

Kabayatanna, ti nasao nga akusado ket narekomendaran iti pyansa nga aggatad iti P36,000.