--Ads--
VIGAN CITY – Maysa a lalaki iti nadundunor ta kinabil ti maysa a retired marine officer idiay Brgy. Farola, Tagudin.
Nabigbig ti biktima a ni Rolando Cudiamat Cabradilla, agtawen ti tallopulo ket uppat, naasawaan idinto a ti suspek ket ni Rolando Cabatu Cabagbag, agtawen ti pitopulo, naasawaan nga agpada nga agnaed iti nasao a lugar.
Maibasar iti inisyal nga imbestigasyon dagiti pannakabagi ti linteg, nagprobukar ti biktima ken pinagsawsaw-anna iti suspek isu a nakarurod ti suspek ket impettakna ti bote ti softdrink iti ulo ken likod ti biktima.
Naipan ti Ilocos Sur District Hospital-Tagudin ti biktima para ti pannakatamingna idinto a ti suspek ket kinemmeg dagiti pannakabagi ti linteg.
-- ADVERTISEMENT --
