Natay gapu iti mapapati a panagbekkelna ti maysa a lalaki nga agtawen iti tallopulo ket siam iti ili ti Norte, Sta. Cruz, Ilocos Sur.
Nakaawat ti Sta. Cruz Police Station iti tawag mainaig iti pannakasarakda ti lalaki a nagbekkel isu a dagus a tinurongda ket natakuatanda a daytoy ket nakadasay nga adda marka ti tengngedna, adda iti abayna ti 250 Termite X ken tali a naiputipot iti kayo ti avocado.
Alas sais kinse itay agsapa (March 14), nakariing ti kaannakan ti biktima ket rimuar iti pagtaengandan idin ta nakitana nga agbitbitin ti ulitegna iti kayo ti avocado isu a dagus met nga imbabana.
Segun kadagiti dadduma a kabagyanda, adda ti mapapati a saanda a pagkinnaawatan ti asawana ken sakbay ti insidente ket nadakamatna ti parikutna mainaig iti panangsustentona kadagiti dua a putotna, nangruna ita nga awan trabahona.
Ti biktima ket agag-agas gapu iti sakitna nga schizophrenia and bipolar disorder.
