VIGAN CITY – Natay gapu ti pannakalmesna ni Michael Querubin Argallon, agtawen iti uppat a pulo, mannalon, agnaed iti Barangay Nagpanaoan, Santa.
Iti pakpakauna nga imbestigasyon, nagiinom ti biktima kaduana dagiti kasinsinna a da Glenda Arcaperlas ken ni Harvy Arcaperlas iti Versorong wenno Abra River.
Iti pannaki-uman ti Bombo Radyo Vigan ken ni Police Captain Bryan Corpuz, sumipngeten idi napanda nagpipicnic idin ta idi napanda nagrakit ket bigla a timpuak ti biktima.
Mapapati a naipan iti adalem a paset ti biktima a mapapati a saanna nga ammo pay ti aglangoy.
Nagpatulong ti biktima ngem impagarup dagiti kakaduana nga agang-angaw isu a saan a naikaskaso agingga a saandan a nadlaw a bimmangkag ket dagus a naisayangkat ti search and retrieval operation ket nasarakan ti biktima.
Naipaagas iti ospital ti biktima ngem dead on arrival.
