VIGAN CITY – Nakemmeg ni alyas Vannie, agtawen iti uppat a pulo ket uppat, naasawaan ta naglabsing ti Republic Act 10591 idiay Barangay Saoang, San Juan, Ilocos Sur.
Segun ti San Juan Municipal Police Station, nakaawatda ti impormasyon nga adda lalaki a nakalugan ti Honda black a motorsiklo nga agturong idiay Barangay Saoang, San Juan nga adda ikotna iti paltog.
Insayangkat dagiti pannakabagi ti linteg ti checkpoint idiay Barangay Saoang, San Juan ket dimteng ti suspek isu a sinenyasanda nga agsardeng ngem nagkedked ket linisyanna dagiti PNP personnel.
Nupay kasta, nagmotorsiko ti maysa a polis ket kinamatna ti suspek a gappuanan ti pannakaaksidente ti suspek ngem pinanggepna nga asuten ti bassit a paltogna ngem insigida a nakatignay ti polis isu a nakemmegna.
Naala manipod ti suspek ti maysa a cal. 45 nga adda nakaipan a maysa a magazine ken maysa a piraso ti ammunition.
Inamin ti suspek nga awan ti lisensya ti paltogna isu nga iti agdama, addan iti kustodiya iti San Juan Police Station tapno dumalan ti husto a proseso.
