Nakemmeg ti maysa a lalaki a nagprobokar idiay Barangay Poblacion, San Esteban, Ilocos Sur.
Ti suspek ket agtawen iti duapulo ket lima, taga-Barangay Villa Quirino.
Ti biktima ket ni Patrolman Miguel Anthony Corrales Cabunoc, agtawen iti duapulo ket walo, PNP personnel ti San Esteban Police Station.
Nagturong dagiti kameng ti San Esteban Municipal Police Station iti Ilocos Sur District Hospital, Narvacan tapno mangisayangkat iti follow up investigation kadagiti drayber a nairaman iti aksidente.
Bayat ti pannakisarita ti biktima kadagiti drayber, dimteng ti suspek a nangibaga nga adda isuna iti pasamak isu a sinaludsod met isuna ti biktima.
Ngem nupay kasta, nagbalin a bastos ti suspek ken nagkedked a mangted iti detalye.
Malaksid dayta, nagisawang pay iti makapainsulto a balikas ken ni Pat. Cabunoc iti sangwanan ti adu a tao isu a binagaan ti amana dagiti kapulisan nga ipanda iti stasyon para iti imbestigasyon.
Kabayatan ti panagturongda iti police station, kinarit ti suspek ti biktima nga agdinnanogda sa tinungpana pay idi makasangpetda.
Intultuloy ti nakainom a suspek suspek ti nagprobokar ken dinanogna pay ti amana.
Iti agdama, maisagsaganan ti kaso a sangwen ti suspek.
