VIGAN CITY – Im-imbestigaran dagiti pannakabagi ti linteg iti Narvacan Police Station ti napasamak a pammagkong idiay Sitio Kakaldingan, Barangay Lungog, Narvacan.
Nabigbig ti biktima a ni Jonjon Gasmen, agtawen iti tallopulo idinto a ti suspek ket ni Jaylord Cabaya, agtawen iti duapulo, agpada a taga-Barangay Lungog.
Iti pakpakauna nga imbestigasyon, agid-dda ti biktima iti wooden chair iti akin-laud a paset ti pagtaenganda idin ta dimteng ti suspek a nakaiggem iti kutsilyo ket binagkongna iti namindua a daras a nakadunoran ti akin-kannawan a rupa ken akin-kannawan a paset ti barukongna.
Innala ti biktima ti kutsilyo ken liniklikanna ti panangbagkong ti suspek kenkuana.
Nagpaarayat kadagiti kaarrubana nga isuda ti nangipan kenkuana iti ospital para ti pannakatamingna.
Nupay kasta, natalgeden ti kasasaad ti biktima idinto a ti suspek ket sapsapulen dagiti pannakabagi ti linteg ta naglibas kalpasan ti pasamak.