VIGAN CITY – Nakemmeg ni Miller Pascua Rumpon, agtawen iti uppat a pulo ket lima, naasawaan nga agnaed idiay Brgy. Malekkeg, Sta. Marcela, Apayao gapu ti iligal a panagpaputokna iti paltog idiay Brgy. Pagsanaan Norte, Magsingal.
Iti pannaki-uman ti Bombo Radyo Vigan ken ni PMaj. Joel Castillo iti Magsingal Municipal Police Station,naipakaammo kadakuada nga adda iti nagpaputok ti paltog iti nasao a lugar isu a nagrespondeda ket naamwan a nagtaud dayta iti pagtaengan ni Brgy. Kagawad Carmen Renon.
Saanda a nadanonan ni Miller ngem nakemmegda met laeng ket naalaan pay iti maysa a Cal. 45 Pistol nga adda magazine-na ken nakaipan nga innem a baka ken maysa nga extra a magazine.
Inlawlawag ni Castillo nga adda ti suspek ti pagtaengan ti Brgy. Kagawad ta nakiselebrarda iti paskua ken family reunion ket mapapati a nakainom ti arak ti suspek idi naaramidna dayta iti nagpaputok ti paltog.
Mapapati a nakigtot ti suspek idi adda nagputok iti abayna isu a nagpaputok met ti paltogna.
Nupay kasta ti suspek ket addaan ti lisensya ti suspek nga ag-expire to pay laeng inton September 4, 2022 ngem naipan isuna iti Magsingal District Hospital, Magsingal para iti physical ken medical examination ngem insigida met laeng a naiyakar iti Magsingal Police Station karaman iti paltog nga inaramatna tapno dumalan ti husto a proseso.
