VIGAN CITY- Maysa a lalaki iti naalaan ti patadem iti national highway idiay Brgy. San Pablo, Sto. Domingo.
Nabigbig ti suspek a ni Joseph Amistad Pimienta, agtawen ti duapulo ket maysa, baro, shoppee dispatcher nga agnaed idiay Brgy. Quimmarayan, Sto. Domingo.
Bayat ti panangisayangkat ti Sto. Domingo Police Station iti simultaneous COMELEC checkpoint iti national highway ket saan a nagsardeng iti suspek a nakalugan ti motorsiklo iti umuna a signage iti amianan a paset isu a pinasardeng dagiti otoridad nga adda iti sabali pay a signage wenno iti bagatan a paset ket kiniddawda iti panangitada iti adda iti bulsa ti jacket-na a nakakitaanda iti maysa a balisong.
Naipan ti suspek iti Magsingal District Hospital para iti medical examination ngem naiyakar iti Sto. Domingo Police Station para iti documentation ken proper disposition.
