Mapapati a kinettel iti bukod a biag ti maysa a lalaki idiay Sta. Catalina gapu iti panagparparikotna iti kaso a sangsangwenna.
Ti lalaki ket agtawen iti limapulo ket innem, karpentero nga agnaed iti nasao nga ili.
Segun iti ipag ken kaanakan ti biktima, nakaawatda ti tawag manipod ti kabsat ti biktima a nagkiddaw a mapanda kitaen ti biktima ta mapapati nga adda nangdangran kenkuana isu a napanda iti family house.
Napansin dagiti witness iti dara iti salas ken nakitada iti cellphone ti biktima isu a binilin ti ipag ti biktima ti anakna a mapanna kitaen iti second floor ket idi simrek ti kuarto, isun ti pannakakitana a nakabitinen ti biktima babaen ti tali a rason iti nangpukkawanna iti inana.
Nagpaarayatda iti karrubada tapno isalakan ti biktima isu a naipan iti Ilocos Sur Provincial Hospital-Gabriela Silang ngem nayakar iti Metro-Vigan Cooperative Hospital ngem saanen a nakalasat pay.
Segun ti pamilia ti biktima, ti rason ti panagkettel iti bukod a biag ti biktima ket ti emotional distress gapu iti manarinaan a kriminal a kasona.
