Nagsagaba iti kidney malfunction ti maysa a lalaki nga agtawen iti duapulo idiay Russia ta pinadasna ti extreme fitness challenge a 2,000 squats nga awan pulos ti break na, deretso.
Natalek ti barito a maaramidna ti challenge agsipud ta saan met a baro kenkuana dagiti nadagsen a physical activities ngem kalpasan iti mano oras a panag-squatna iti namin dua ribo a daras, limteg dagiti sakana, nariknana ti nakaro a sakit iti muscle-na, ken nagbalin a brown ti isbona.
Saan payen a makaisbo isu a nagpaitaray iti ospital ket naamuan a nagsagaba iti habdomyolysis – maysa a kondisyon ti nakaro a pannakadadael ti muscle tissue isu nga agruar ti toxins iti dara, ket dadaelenna ti kidney.
Rimuar iti findings dagiti doktor a bimmagsak ti 50 percent a kabaelan ti kidney-na a mangsagat iti rugit ti bagi, ket no saan a maagasan, mabalin a mangitunda iti kidney failure, sakit iti puso ken pannakatay.
Nupay adda benepisyo ti regular exercise, mabalin nga agpeggad iti bagi no masobraan ken no awan ti pannarabay dagiti eksperto.
