Lalaki idiay China, impuslitna iti 100 nga uleg babaen ti panangisuksokna iti trouser-na

Maysa a lalaki ti nalapdan ta impadasna  nagipuslit ti sangagasut ket uppat  sibibiag nga uleg idiay mainland China babaen ti panangisuksukna iti trouser-na.

Linapdan ti customs officers ti saanen a nainaganan a traveler a dumalyasat koma iti nagbaetan ti semi-autonomous Hong Kong ken siudad ti Shenzhen, China.

Idi naisayangkat ti inspeksyon, nadiskubre dagiti customs officer iti bulsa ti us-usaren a trouser ti pasahero ket adda innem a canvas drawstring bags a naka-seal iti tape ket idi kinitada, uleg dagiti linaonna.

Dagiti naala ket pakairamanan ti milk snakes ken corn snakes a kaadoan ket non-native species.