VIGAN CITY – Manarimaan ti naun-uneg nga imbestigasyon inaig ti napasamak a pammagkong ti maysa a lalaki ti asawana ken mapapati a panagpakamatay na idiay Brgy. Salvador 2nd, Candon City.
Nabigbig dagiti biktima a da Raymund Ganacias Soriano, agtawen ti tallo pulo ket lima, maysa a mangngalap kenni Bernadet Soriano, agtawen ti tallo pulo ket innem nga agpada nga agnaed iti nasao a lugar.
Agin-indayon ni Danilo Soriano idi nangngegna nga inayaban ni Raymond a putot na ti asawa na a mapanda idiay kusina da.
Ti dayta a kanito, nangngeg ni Danilo iti panagikkis ni Bernadet iti uneg ti pagtaengan da isu a napan na kinita ket naimatangan na iti panangbagbagkong ti putot na ken ni Bernadet ket mapan na kuma anawaen ni Raymond ken isalakan ti manugang na ngem nagbuteng da linayatan ni Raymond ti kutsilyo.
Awan iti maibaga ni Danilo a posible a rason iti nangpatayan ni Raymond ti asawa na ken panagpakamatay na ta ti sigud a pagrirriryan da nga utang ni Bernadet idi ket mapapati a nabayadan dan.
Kabayatanna, pinasingkedan ni Wilma Ganado a kasinsin ni Raymond nga idi simrekda iti pagtengan dagiti biktima ket nasarakandan a dara-dara ni Bernadet iti uneg ti banyoda ken nakabitinen ni Raymund babaen iti inaramatna a nylon cord.
Patien ni Ganado a posible nga agsagsagaba ti depresyon ti kasinsinna agipud ta manipud idi naggapu ti barko ket saanna a mapagsusurot ti ar-aramidenna ngem saanna a maibaga kadakuada no ania ti parikutna.
Naulila dagiti agassawa dagiti dua nga annak da nga agtawen ti sangapulo ket tallo ken tallo.
