--Ads--
VIGAN CITY – Agpapalaingen iti ospital ni Jomar Palitayan, agtawen iti duapulo ket uppat a taga-Brgy. Poblacion, Alilem gapu ti panangbugbog kenkuana ni Mhel Anthony Tegjo, agtawen iti sangapulo ket siam.
Agiinom dagiti biktima ken suspek idiay Sitio Pantar kadua ni Samson Gao-ay ket napanda iti pagtaengan ni Rhea Sibuyan iti nasao a barangay.
Bayat ti panagiinomda, adda saan a nagkinnaawatan ti suspek ken biktima ket idi agawid koma ti suspek tapno lisyanna ti madi a mapasamak ket sinurot ti biktima nga immuna a dimmanog.
Gapu ti dayta, bimmales ti suspek a nagresultaan iti pannaka-fracture ti agong ti biktima a naipaagas iti ospital.
-- ADVERTISEMENT --
