VIGAN CITY – Matamtaming ti ospital ti maysa a lalaki a nadanog ta adda iti saanda a panagkinnawatan dagiti kaayayamda ti buntayog wenno Cara y Cruz idiay Brgy. Puro, Magsingal.
Nabigbig ti biktima a ni Gilbert Artillero Ragunjan agtawen tallo pulo ket lima, Gary Artillero Ragunjan agtawen tallo pulo ket dua ken dagiti suspek a da Michael Pagay Gacuscus agtawen dua pulo ket lima, Gary Pagay Gacuscus agtawen tallo pulo ket lima ken Ferdinand Artillero ken Robin Artillero agpapada nga agnaed ti nasao a barangay.
Basar ti imbestigasyon ti Magsingal Municipal Police Station, nakaawatda ti report nga adda iti matamtaming ti ospital a biktima iti panagkabil iso a nagturongda ti Brgy. Puro ket naduktalan nga agayayam dagiti biktima ken suspek ti buntayog iti natayan.
Adda iti saanda a panagkinnawatan ken dinangran dagiti suspek ti biktima iso a naipaagas nga insigida ti ospital.
Ti agdama agtultuloy iti imbestigasyon ti PNP ken panangsapol kadagiti suspek a naglibas kalpasan iti pasamak.
