VIGAN CITY – Dead on Arrival ni Alpheo Manuel Espinosa, agtawen iti uppat a pulo ket dua, naasawaan nga agnaed idiay Brgy. Saoang, San Juan gapu iti pannakalmesna.
Segun ti San Juan Municipal Police Station, nagturong ni Espinosa kaduana ti karrubana a ni Bryan Perez Robillon iti baybay tapno agpana a naglugan iti agsina a bangka idi kellaat a naiyanud iti inaramatna ket naginnadayodan iti kaduana.
Napansin ni Robillon a nauneg unayen iti ayan ti biktima ket impagarupna a nalmesen isu a nagkiddaw ti tulong agingga a naaladan ti biktima.
Naipan pay laeng iti Ilocos Sur District Hospital-Magsingal ti biktima ngem naideklarara a dead on arrival babaen ken ni Dr. Steve Arellano.
Kabayatanna, iti naisayangkat nga eksaminasyon iti bangkay ti biktima ket awan iti aniaman a senyales iti foul play ngem nu pay kasta agtultuloy iti imbestigasyon dagiti pannakabagi ti linteg.
