VIGAN CITY – Nakemmeg ni Hilario Tugade Adriatico, agtawen iti uppat a pulo ket dua, baro, construction worker nga agnaed idiay Barangay San Julian Norte, Vigan City, Ilocos Sur ta binagkongna ti kabsatna a ni Joefen Tugade Adriatico, agtawen iti tallopulo ket lima, baro, security guard nga agnaed met laeng iti nasao a lugar.
Bayat ti panaginom iti arak ti biktima ket simmangpet ti manongna a naka-inom ti arak ket kinapatangna ngem adda ti saanda a nagkinnaawatan a rason ti panagdinnanogda.
Nangala ti kutsilyo ti suspek ket isu ti imbagkongna iti namin-dua a daras ti biktima.
Gapu dayta ket nagdunor ti akin-kannigid nga abaga ken akin-kanngid a paset ti likod ti biktima isu a naipan iti Ilocos Sur Provincial Hospital – Gabriela Silang, Tamag Vigan City para ti pannakatamingna.
Nakumpiskar ti naaramat a kutsilyo iti nakapasamakan ti insidente.
Maisagsgaanan ti kaso a maipila kontra ti suspek.
