VIGAN CITY- Kaso a frustraded murder ti maipila kontra ken ni James Reosia Garcia nga agtawen iti tallo pulo, driver ken agnaed idiay Brgy. Mindoro, Vigan City gapu ti panangbagkong na ti agkabsat a da Roy Tugade Adversalo nga agtawen iti uppat a pulo ket tallo, naasawaa ken maysa a karpintero kenni Eugene Tugade Adversalo nga agtawen iti uppat a pulo ket maysa.
Segun ken ni Police Superintendent Dexter Paredes, hepe ti Vigan City PNP, daytoyen iti maikadua a gundaway a bimmagkong ti suspek ngem iti damo idi a biktima na ket inareglo na isu a saanen a nagreklamo ti immunan a nabiktima na.
Napan nakibirthday dagiti dua iti ading da a ni Coraline Adversalo Avila ket idi agawi dan, dimmagas iti store ni Roy ta gimmatang ti sigarilyo ken candy idi bigla nga immasideg ti suspek ket binagkong na ti mamin-adu a daras ti biktima.
Immarayat ni Eugene ngem isu ti insublat ti suspek a binagkong ket natamaan iti akin-kannigid nga ima na.
