Lalaki, biktima iti hit and run

Maysa a lalaki ti biktima iti hit and run iti national highway ti Barangay Ubbog, Santiago, Ilocos Sur.

Ti biktima ket lalaki nga agtawen iti limapulo ket uppat, taga-Bermuda subdivision, Baguio City.

Saan pay met a nabigbig ti drayber ti puraw a trak a nakadungpar kenkuana.

Segun iti biktima, agur-urayda iti ulitegna iti bus a mapan idiay Baguio iti waiting shed iti igid ti kalsada idin ta nadungpar daytoy ti agpapa-abagatan a trak.

Gapu dayta, nagsagaba ti biktima iti dunor iti nadumaduma a paset ti bagina a naipaagas iti ospital para iti naan-anay a pannakatamingna.