VIGAN CITY – Kaso a Republic Act 10591 iti sangwen ti maysa a lalaki ta aksidente a napaltoganna ti kasinsinna idiay Quinarayan, Narvacan.
Iti pannakipapatang ti Bombo Radyo Vigan ken ni PMaj. Arcadio Viloria iti Narvacan Municipal Police Station, ti biktima ket ni Helen Cambe Obay, agtawen iti tallopulo ket siam, naasawaan idinto a ti suspek ket ni Jayson Cabatic Cambe, agtawen iti tallopulo nga agpada nga agnaed iti nasao a lugar.
Iti imbestigasyon, bayat nga agluluto ni Obay ket nakitana nga agpalpaltog iti manok ti kasinsinna a ni Cambe idin nakangngeg iti uni ti paltog iti laud a paset ti pagtaenganda idi kellaat a napuntaan iti akin-kannigid a paset iti ulo ti biktima.
Insigida a nagkiddaw ti pammakawan ti suspek ti naaramidna ket isunan ti mismo a nangipan ti biktima iti Ilocos Sur District Narvacan para iti pannakatamingna ket ti ospitalen ti nangipakaammo ti pasamak iti PNP Narvacan.
Nakemmeg ti suspek ket iti follow up investigation, naala iti atiddong a caliber.22 converted firearm nga awan ti serial number-na.
Iti agdama, addan ti suspek ken ti paltog a naaramat iti kustodia iti Narvacan Police Station tapno dumalan ti husto a proseso.
