VIGAN CITY – Nagkiddaw iti pammakawan ni Dino Escoton, agtawen iti duapulo ket lima a taga-Sitio Calero, Brgy. Tigban, Tacloban City iti dati nga ammona iti maysa a water refiling station iti ili ti San Vicente kalpasan iti panangiwaragawagna iti saan a patas a panangpasueldo kadakuada idi kallabes.
Iti panagturong ti Bombo Radyo Vigan ni Escoton tapno agpanawagan para iti panagawidna ket nakunana a saan a patas iti panangpasueldoda kaniana ta bimmaba iti sueldona ken saan payen a mairamraman dagiti dati a benepisyo a maaw-awatna.
Inlawlawagna pay a ti panagkiddawna iti tulong iti pannakabagi ti linteg iti San Vicente Municipal Police Station ket binaganda isuna a mapan laengen agholdap a banag a nakasairanna.
VC – DINO ESCOTON
Gapu ti dayta ket kinuyog ti Bombo Radyo Vigan team ni Escoton a napan iti San Vicente Police Station ket iti panagsarita ni PMaj. Henry Garcia, inlawlawagna a nagangaw laeng ti panangibaga ti maysa a pulis a mapan agholdap iti Vigan ni Dino ta tinulonganda pay idi naggapu iti station ket innakda iti pagpletena ngem imbutaktakna nga immunan a naireklamo ni Escoton gapu iti saanna a panangiremit dagiti makolkolektana a malakoanda.
VC – PMAJ. HENRY GARCIA
Segun met ken ni Varry Barba a dati nga amo ni Escoton, nagreklamo isuna gapu iti mapukpukaw a naglakoanda a nakurang P15,000 ket nagpukaw ni Escoton ket naamoanda nga adda idiay Cabittaogan, Sta. Catalina ngem saanda a nadanon.
Kinasaritana inaig iti nasao a banag ket nagtulaganda nga i-minus laengen iti sueldona iti napukaw ket adda pay panag-bali na ta naasyan ta agkasapulan ti pamiliana ngem iti simmaruno nga aldaw ket nakigtot laengen ta addan ti baro a cellphone-na.
Gapu ti pasamak ket innalana iti cellphone a kagagatang ket kinunana a tubosenna laengen kenkuana gapu iti napukaw a kuarta a responsibilidadna idi nagtrabaho pay laeng kenkuana.
Nupay kasta, gapu ti asi ti PNP ken ti dati nga amona a ni Varry ket nangteddan iti nayon a pagplete ni Escoton tapno makaur-or para iti panagawidnan iti lugarda.
VC – VARRY BARBA
