--Ads--
VIGAN CITY – Nakapyansan iti tallopulo a ribo a pisos ti maysa a lalaki a nakemmeg babaen iti naiwayat nga Oplan Pagtugis kalpasan a natiliwan a nagsugal.
Nabigbig ti suspek a ni Milky Ramolete, agtawen iti limapulo a taga-Brgy Sinabaan, Sta. Catalina.
Nakataray idi tiliwen koma dagiti pannakabagi ti linteg ngem babaen ti naiwayat nga operasyon ket balligi a natiliwda.
Ti suspek ket sumangsango iti kaso a panaglabsing iti Presidential Decree 1602 wenno ti Anti-Illegal Gambling Act a ti warrant of arrest-na ket imparuar ni Acting Presiding Judge Geraldine Balagso Ramos-Del Rosario iti MCTC, First Judicial Region, Magsingal-San Juan a napetsaan iti June 22, 2021.
-- ADVERTISEMENT --
