Nakemmeg ti maysa a lalaki a naalaan iti paltog ken bala iti naisayangkat a buy-bust operation idiay Barangay Ricudo, Sinait.
Ti suspek ket agtawen iti uppat a pulo ket uppat, agnaed iti Badoc, Ilocos Norte.
Iti pannaki-uman ti Bombo Radyo Vigan ken ni Police Major Bryan Lopez, iti balay mismo ti subject-da a babai iti buy-bust ti paglemlemmengan ti suspek ti pammaltog.
Kalpasan a naammuan a ti suspek ket karaman iti pammaltog idiay Badoc idi Agosto 21, nangala ti Sinait MPS iti search warrant ken dagus a naipatungpal daytoy iti pagnanaedanna.
Naala manipud iti operasion ti maysa a .45 caliber pistol, 21 a bala, tallo a magazine, ken maysa a belt bag.
Sangwen ti suspek ti kaso a panaglabsing iti Republic Act 10591 wenno Comprehensive Firearms and Ammunition Regulation Act.
