--Ads--
Nakemmeg ti maysa a lalaki a suspek iti pammagkong idiay Barangay Purok A Bassit, Vigan City, Ilocos Sur.
Ti biktima ket maysa a construction worker, agnaed iti nasao a lugar idinto a ti suspek ket kalugaran met laeng ti biktima.
Magmagna iti eskinita ti biktima nga agawid idin sinurot daytoy ti suspek sa binagkongna.
Nagsagrap iti dunor ti pammagkong ti biktima nangruna iti kannawan a takyagna ken paset iti lapayag.
-- ADVERTISEMENT --
Narekobre manipud iti nakapasamakan ti insidente ti kutsilyo nga agrukod iti 33 cm agraman apputanna.
Daan a susik iti nagbaetan ti suspek ken biktima ti rason ti pammagkong.
