VIGAN CITY – Maysa a lalaki ti nakemmeg ta sumangsango ti dua a kaso idiay Brgy. Bongtolan Vigan City.
Nabigbig ti akusado a ni Tristan James Adolfo agnaed ti nasao a barangay.
Iti pannaki-uman ti Bombo Radyo Vigan kenni Police Executive Master Sergeant Chester Dandin, Chief Investigator ti Vigan City Police Station, kinemmegda ti suspek a sumangsango iti kaso a panaglabsing ti Anti-Wiretapping Law ken Cybercrime Prevention Act of 2002.
Walopulo a ribo a pisos ti nailatang a piyansa ni Adolfo para ti kasona a Cybercrime Prevention Act of 2012 ken nailatang ti tallopulo ket innem a ribo a pisos para iti kaso na nga anti-wiretapping law.
Innayon ni Dandin nga awan iti aniaman a detalye ti kaso ni Adolfo kadakuada ta rimmuar laeng ti arestona iso nga ipatungpalda ken kinemmegda ti akusado.
