VIGAN CITY – Nakemmeg ti maysa a lalaki kalpasan iti panag-apply-na ti National Police Clearance iti Sta. Cruz PNP idiay Poblacion Weste, Sta. Cruz, Ilocos Sur ta naamuan nga adda iti kaso a sangsangwenna.
Segun ti Sta. Cruz PNP, ti akusado ket nabigbig a ni Job Sarandon Riel Jr, agtawen iti limapulo ket uppat, naasawaan, tricycle driver nga agnaed idiay Brgy. Casilagan, Sta Cruz.
Nag-apply ni Riel para ti National Police Clearance ngem idi naproseso ti NPC Processor iti aplikasyonna ket naamuan a naserbian idi November 23, 2016 iti warrant of arrest gapu iti kasona a Frustrated Murder nga inruar iti RTC Branch 38, Daet, Camarines Norte ket nailatang ti pyansana a duagasut a ribo a pisos para iti temporary a pannakawaya-wayana.
Idi nakumpirmaran ti NPC Verifier iti record ket insigida nga inserbi ti Sta. Cruz PNP iti warrant of arrest kontra iti akusado a gappuanan ti pannakakemmegna.
Iti agdama, addan iti kustodiya dagiti pannakabagi ti linteg ti akusado ket maipasa iti disposition-letter of arrest warrant-na iti court of origin tapno maamuan iti pannakakemmegna.
