Lalaki a sumangsango iti duapulo ket tallo a bilang ti Qualified Theft, nakemmeg

VIGAN CITY – Kinemmeg dagiti pannakabagi ti linteg iti Vigan City Police Station ti suspek a sumangsango ti kaso idiay Brgy. II, Vigan City.

Nabigbig ti suspek a ni Bryan Keith Molina agtawen iti tallopulo ket dua agnaed iti nasao a barangay.

Basar ti report manipod Vigan City Police Station, duapulo ket tallo a bilang iti kaso a theft wenno panagtakaw ti sangsangwen ni Molina.

Duapulo ket uppat a ribo a pisos tunggal kaso wenno lima gasut limapulo ket dua a ribo a pisos a piyansa ti nairekomendar para iti pannakawayawayana.