VIGAN CITY – Maysa a senior citizen iti nabagkong iti Crisologo Street, Barangay 9, Vigan City, Ilocos Sur.
Segun ti Vigan City Police Station, ti biktima ket ni Elardo Viloria Advincula, agtawen iti innem a pulo ket innem, naasawaan, store owner nga agnaed idiay Barangay 9, Vigan City idinto a ti suspek ket ni Reynaldo Rodriguez Valdez, agtawen iti limapulo, naasawaan, tricycle driver, tubo idiay Barangay Sto. Cristo, Tarlac City, Tarlac ngem agdama nga agnanaed idiay Barangay 9, Vigan City.
Pinasingkedan kadagiti nakakita iti pasamak a ti biktima ket nakitana ti suspek nga agig-iggem iti plastic nga adu iti botelya ken mapanna isubli iti store nga asideg iti store ti biktima idin impukkaw ti biktima iti suspek a kukuada dayta a gappuanan ti panagsinnungbatda.
Kalpasan ti mano a minutos, idi nakasangpet ti suspek manipod panangitulodna ti pasaherona, kinomprontar manen ti biktima ti suspek inaig dagiti nasao a botelya a rason iti panagdinnanogda.
Bayat ti panagsangoda, immarayat dagiti dua a putot ti suspek nga isu da Reyven ken Reynald ngem timmaray ti suspek iti kaasidegna nga aglaklako iti fishball ket innalana iti kutsilyo ken inlaslasna iti tengged ti biktima.
Naganawa ti asawa ti suspek a gappuanan ti pannakaipan iti Ilocos Sur Provincial Hospital Gabriela Silang ti biktima para iti pannakatamingna idinto a ti suspek ket nakemmeg ken naipan iti Vigan City Police Station babaen kadagiti nagresponde nga otoridad tapno dumalan ti husto a proseso ken documentation.
Kabayatanna, ti kutsilyo nga inaramat ti suspek ket narekubre iti nasao a lugar.
