VIGAN CITY – Sapsapulen dagiti otoridad ken ti pamilyana ti maysa a PWD a mapukpukaw idiay Sitio Ida, Brgy. Patoc-ao, Suyo.
Nabigbig ti mapukupkaw a lalaki a ni Ernest Guadna Saydoquen agtawen ti tallo pulo ket walo, single ken agnaed ti nasao a barangay.
Basar ti report manipod Suyo Municipal Police Station, impakammu kadakuada ti pamilya ni Ernest a mapukpukaw isuna ta idi July 30 ti oras ti alas otso ti bigat napan ti paguginganna ti biktima ket saanen a nagsubli ti pagtaenganda.
August 5 napan kinita ti kabsatna a ni Christian ni Ernest iti paguguginganna ket naka-lock ti kubona.
Innayon ti pamilya Saydoquen a masapol nga agballasiw ti mamindua a daras ti karayan sakbay a madanun ti pagugingan.
Ti agdama sapsapolenen ti MDRRMO, Brgy. Officials ken Suyo PNP ken dadudma pay a volunteer ni Ernest.
