VIGAN CITY – Nakakustodiya idiay Caoayan municipal police station ni Melchor Quibuan nga agtawen ti sangapulo ket siyam, baro a taga- Villamar, Caoayan ta prinobokar na ti ina na nga awan gapgapu na ken dandani na pay nabagkong ti uliteg na a kagawad ken ti kapitan iti barangay da.
Segun ken ni Police Captain Henry Garcia, hepe ti Caoayan PNP, nagawid ti suspek a nabartek ket prinobokar na ti ina na nga awan gapgapu na isu a rimuwar ti ina na ta napan nagpaarayat.
Nakadanun ti ina ti suspek iti pagtaengan ni Barangay Kagawad Ronald Quibuan Sr ngem simmurot ti suspek sa nagsubli iti pagtaengan da ta napan nangala iti kutsilyo nga isu iti ngan-ngani na inbagkong ken ti uliteg na a kagawad.
Ti dayta a kanito, immarayat met ni Barangay Captain Albert Quilenderino ken dagiti kakadua na ngem isu met ti insublat ti suspek a linayatan iti kutsilyo ken dandani na nabagkong.
Agsipud iti dayta, sumango ti suspek ti agsusukot a kaso ti direct assault upon person in authority gapu iti panangkarit ken dandani na panangbagkong ken ni kapitan; malicious mischief ken attemoted homicide gapu iti panangkarit ken pananglayat na iti uliteg na a kagawad, sabalinto laeng iti kaso a sangwen na gapu iti panagprobokar na.
