VIGAN CITY – Dead on the spot ni Crecencio Recaido Tacadena, agtawen iti limapulo ket lima, construction worker, agnaed iti Barangay Pong-ol, Vigan City gapu iti panangpaltog dagiti riding-in-tandem a suspek.
Iti pannaki-uman ti Bombo Radyo Vigan ken ni Police Corporal Mark Lee Altares, napan intulod ti biktima ti live in partner na a ni Mae Martinez Peralta, agtawen iti limapulo ket lima idiay Barangay Salindeg ket idi nakaawid, bayat a luklukatanna ti gate-da ket dimteng dagiti dua a suspek a nagkalubbon iti motorsiklo a nangpaltog iti biktima iti namin-ano a daras sa da naglibas.
Nagsagaba iti dua a tama ti paltog a mapapati a caliber 45 ti bukot ti biktima a puon ti nakatayanna.
Kitkitaen met dagiti pannakabagi ti linteg no adda pakainaigan ti naipila a kaso iti biktima nga oral defamation ken threat iti panangpaltog dagiti suspek kenkuana.
Agtultuloy ti imbestigasyon inaig iti pakabigbigan dagiti suspek ken no ania ti motiboda iti krimen.
