VIGAN CITY – Dead on arrival iti pagagasan ni Nelson Bayya, agtawen iti limapulo ket dua a taga-Dammay, Santa ta pinaltugan ni Mariano Umipig Jr., agtawen iti limapulo ket dua, kapitan ti nasao a barangay.
Segun ken ni PLt. Joseph Fieldad, agap-apa ti biktima ken kayongna idin ta saanda nga inkaskaso idi maanawada isu nga inawaganda ni Brgy. Captain Umpig Jr., nga isu ti napan nanganawa ngem nangiruar ti biktima iti kutsilyo ket bagkongenna koma ti suspek ngem nakalisi isu nga immasot met ti paltog ti suspek ket pinaltuganna iti nadumaduma a paset ti bagi ti biktima a puon ti nakatayanna.
Boluntaryo a simmuko ti suspek kadagiti pannakabagi ti linteg idinto a saan pay a narekobre ti kustilyo ti biktima ken kasta metten ti paltog.
Naala iti nakapasamakan ti krimen ti pito a bala ti calibre 9mm a paltog, fired cartridges, ken maysa a live ammunition.
