Lalaki a natupakan iti kayo, natay

VIGAN CITY – Natay ni Floro Libio, agtawen iti limapulo ket siam a taga-Barangay Boguibog, Salcedo ta natupakan iti kayo.

Segun iti kadua ti Libio a ni Eduardo Lungaiban, agpukpukanda iti kayo ti Melina a pagsungrudda idin ta natupakan ti biktima ket nagsagaba iti fatal injury.

Nagpaarayat ni Lungaiban kadagiti residente ket na-rescue met ti biktima kalpasan ti dua nga oras.

Ti lugar a nakapasamakan ti insidente ket nasurok kumurang maysa agingga dua oras pay a turongen ta daytoy ket kabambantayan isu nga awan ti signal ti cellphone.

Naipaagas iti Sta. Lucia Hospital ti biktima ngem naideklarar a dead on arrival.